Quraani Ayat ki bai hurmati

**muskurahat** · Subject: Quraani Ayat ki bai hurmati Fri Nov 30, 2007 8:43 am

Surah Luqman Ayat No. 6

Translation:- Or Logun Mein Se Baaz Wo Hein Jo Ghaafil Karne Wali Baatun Ka Khareedaar Banta Hay Taake Allah Ki Raah Se Be-Samjhay Boojhay Gumrah Kare Or Uski Hansi Uraaye, Aisay Logun Ko Zillat Ka Azaab Hay (Surah Luqman Ayat No.6)

Tashreeh:- Hazrat Abdullah Bin Masood, Hazrat Abdullah Bin Abbaass, Hazrat Hassan Bassri Or Baaz Deegar Sahaba Or Tabaeen Razi Allah Anhum Se Manqool Hay Ke Is Ayat Mein "Lah Wal Al-Hadees" Se Murad Gana Or Isi Qism Ki Cheezein Hein.

Nazar Bin Harris Jo Ke Nabi Kareem Salallaho Alaihwasallam Ka Bad Tareen Dushman Tha, Faaras (Yani Iran) Ja Kar Laraiyun Or Pehailwano Ke Qissay Khareed Kar Lata Or Makkah Mukarrama Mein Logun Ko Jama Kar Ke Suna Ta Or Saath Ye Kehta Ke " Paighamber Tumhein Aad Or Samood Ke Qissay Sunate Hein, Mein Tumhein Rustam Or Asfand Yar Ke Qissay Suna Ta Hun".
Log Bari Raghbat Or Dilchaspi Se Ye Qissay Sunte Thay, Aik Dafa Gaanay Wali Aik Loundi Khareed Kar Laya Or Jis Shaks Ko Bhi Islam Ki Taraf Maail Hote Hue Dekhta Tu Ussay Apne Ghar Le Jar Kar Khaana Khilata Or Gaana Sunwata Tha Or Us Se Poochta "Batao Maza Or Dil Laggi Gaanay Mein Hay Ya Quran Mein " ! Naozobillah!

Us Ka Maqsad Sirf Yahi Tha Ke Log Qissay Kahaaniyun Or Gaanay Bajaane Mein Lag Kar Qurani Hidayaat Or Taleemaat Se Dil Bardashta Hun, Ye Ayat Isi Shaks Ke Baray Mein Naazil Hui !
Shareeyat Ne Har Us Cheez ko Najaiz Qaraar Diya Hay Jo Allah Tala Ki Ibaadat Se Ghaafil Karde, Khuaa, Wo Gaana Bajaana Ho Ya Draamay Qissay Or Deegar Khurraafaat Hun.

Ye Dushmanaan-e-Islam Ki Wo Thandi Talwaar Hay Jisko Unhun Ne Hamesha Islam Ko Mitaane Or Musalmano Ko Tabah Karne Ke Liye Istemaal Kia Hay. Aaj Kal TV, VCR, Dish Or Cable Waghaira Ke Zariye Filmein, Fahash Draamay, Naach Gaanay Or Chori, Dakkaiti Or Qatal-o-Ghaarat Garri Ke Prograam Dikha Kar Ye Maqsad Haasil Kia Ja Raha Hay.!

Imam Ibn-e-Kaseer Ramatullah Alaih Is Ayat Ki Tafseer Mein Farmaate Hein:-
Hazrat Abdullah Ibn-e-Masood Razi Allah Anho Ne 3 Baar Qasam Utha Kar Farmaya "Lah Wal Al-Hadees" Se Muraad Gaana Bajana Hay. (Tafseer Ibn-e-Kaseer, Page 457, Jidl 3)

Hazrat Ibn-e-Abbaass-o-Jaabir Razi Allah Tala Anhuma Or Hazrat Ikrama, Saeed Bin Jubair, Mujahid, Makhook, Umar-o-Bin Shoaib Or Ali Bin Bazeema Rahemullah Tala Se Bhi Is Ayat Ki Yehi Tafseer Mankool Hay.
Or Hazrat Hasan Basri Rehmatullah Alaih Farmaate Hein "ye Ayaat Gaanay Or Raag Baajun Ke Mutaliq Utri Hay."

Yehi Tafseer Qurtubi Page 51, Jild 14, Baghwi Page 407, Jild 4, Khaazan Page 468, Jild 3, Madarak Bhaamash Khaazan Page 468, Jild 3, Mazhari Page 246, Jild 7, Waghairah Mein Mufassil Markooz Hay.
Or Phislaa Le In Mein Se Jis Ko Too Phissla Sake Apni Awaaz Se." (Ayat 64 - 17)

Is Ayat Mein Shaitaani Awaz Se Gaana Bajana Muraad Hay. Imam Mujahid Rehmatullah Alaih Farmate Hein Ke "Is Ka Matlab Ye Hay Ke (Aye Iblees!)! Too Unhein Khail Tamashun Or Gaanay Bajaane Ke Saath Maghloob Kar.
Or Hazrat Ibn-e-Abbaass Razi Allah Anho Farmate Hein Ke " Is Ayat Mein Har Wo Aawaaz Muraad Hay Jo Allah Tala Ki Naafarmani Ki Taraf Dawat Day, Yehi Qaol Hazrat Qatadah Rehmatullah Alaih Ka Hay Or Isi Ko Ibn-e-Rehmatullah Ne Ikhteyaar Kiya Farmaaya Hay." (Tafseer Ibn-e-Kaseer Page 50, Jild 3)
Or Sab Ko Maloom Hay Ke Maaseeyat Ki Taraf Dawat Dene Walun Mein Gaana Bajaana Sab Se Barh Kar Hay Isi Waja Se "Shaitaan Ki Awaz" Ki Tafseer Isi Ke Saath Ki Gai. (Ighsatul Al-Haffaan Page 255, Jild 1)[/b][i]

**Bheege-Yaadein** · Subject: Re: Quraani Ayat ki bai hurmati Fri Nov 30, 2007 10:20 am

JazakAllah

**Afsana** · VIP Member Number of posts: 5268 Registration date: 2007-11-27

jazak ALLAH

**Lamhe** · Subject: Re: Quraani Ayat ki bai hurmati Thu Dec 06, 2007 10:33 am

jazakAllah...

_________________

**Reem** · VIP Member Number of posts: 348 Registration date: 2007-11-27

JazakAllah

**farwa** · Subject: Re: Quraani Ayat ki bai hurmati Mon Jan 14, 2008 8:15 pm

JAZAKALLAH...

**AMAN** · Number of posts: 2856 Registration date: 2007-11-30

Hmm

Good sharing

**waqar hussain** · Admin Number of posts: 9251 Registration date: 2007-11-24

JAZAK ALLAH

_________________
Jaha sach nahi waha jhoot sahee

Jaha Haaq nahi waha loat sahee

**FIVE FOUR FIVE - 545** · Subject: Re: Quraani Ayat ki bai hurmati Thu Apr 10, 2008 7:04 pm

JazakAllah...agar ise parh ker kisi ka thora sa bhi dil kaampe, main to kehta hoon
kya hi baat hai sharing ki

Bohat achi taleem di hai muskurahat ne..

junaid9868 · Subject: Re: Quraani Ayat ki bai hurmati Fri Apr 11, 2008 12:59 pm

app ne bahut sahi kaha janabe aali
mera Dil kaanp gaya
thank you

zero zero seven · Subject: Re: Quraani Ayat ki bai hurmati Thu Jul 03, 2008 11:04 am

wow kafi lambha tha but that was so good for us, leken ek baat per muje kuch kehna hai ke Tv ko to aap ne teek jis ke mutaliq kaha hai woh teek hai keh iss se gaane wagera he log sunte hain per ek baat kahonga ke
Aaj Islam ka sab se bara scholar bhi tv per hee ata hai aga tho main us se taalim hassil karne ke liye kaha jao, main ye nahi kehta ke TV se buraiyan nahi phel rahi main iss per tho razi hoon mere kehne ka matlab ye hai ke iss se sahi baaten bhi hamen milti hain, Like Dr xakir naayik jo islam ke research foundation ke saddar hai us ki shows deken bohot information milingi,
Jaisa ke 545 ne kaha tha ke What ever u Have make the best use of it,
bohot impressive
Burai ko seekna burai nahi hai Burai pe amal karna amal hai thank u
bas itna hee lecture