hum k thehray ajnabi itni madaraaton k baad
phir banain ge aashna kitni mulaqaton k baad
kab nazar main aae gi bedaag sabzay ki bahaar
khoon k dhabbay dhulain ge kitni barsaton k baad
dil tou chaha par shikast e dil ne mohlat hi na di
kuch gillay shikwe bhi kar letay manajatoon k baad
thay bohat bedard lamhay khatam e dard e ishq k lamhay
theen bohat bemehar subhain meharbaan raaton k baad
unn se jo kehnay gae thay "Faiz" jaan sadqa kiye
ankahi hi reh gae wo baat sab baaton k baad