tou phir yun huwa........
basti basti kucha kucha nagri nagri
tan tanha jo phiri wafa
ruswae ko apni zaat ka zakham banaya
pathar si choton se iss ne apna...
har ang aur dil jhulsaya
kismat ko banjar sa banaya
tanha aag main kood chuki thi
sari kashtiyaan chor aai thi
uss ki khatir iss dunya main
sar dhaknay ki jagha nahi thi
har lehjay ko pathar paya
har chehray ko hairaan paya
tanha raat thi,
tufaan thay
aur
dil main aag si jhulas rahi thi
phir aik din,
uss ko aik shehar mila
jissay wafa shuaron ki basti kehtay thay
sab chehray thay apnay apnay
sab lehjay chara gar thay
eesa nafs thay,shabnam lams thay,
chandani se jadugar thay
wafa ne iss basti ko apna maskan tehraya
dunya bhar ko thukraya
issi shehar k logon k kuch qissay hain
pehlay meray apnay thay
meri tanhae k saathi thay
aaj sabhi ki tanhae k hissay hain..........!!!
Subject: shehar e wafa 
Sat Apr 19, 2008 1:31 pm
