kabhi kitabon main phul rakhna
kabhi darakhton pe naam likhna
hamain bhi hai yaad aaj tak vo
nazar se harf e salam likhana
vo chaand chehray vo behki baatain
sulagtay din thay mehakti raatain
vo chhote chhote se kaagazon par
muhabbaton k payaam likhna
gulaab chehron se dil lagaana
vo chupke chupke nazar milana
vo aarazuon k khavaab bunnana
vo qissa e natamaam likhna
meray nagar ki haseen fazao
kahin jo un k nishaan pao
tou puchna ye kahan basay ho
kahan hai un ka qayaam likhna
gai ruton main "Hasan" hamara
bas ek hi tou ye mashgala tha
kisi k chehray ko subah kehna
kisi ki zulfon ko shaam likhna
Subject: kabhi kitabon main phul rakhna..... 
Mon Dec 17, 2007 12:21 pm
