yun hi besabab na phira karo koi sham ghar bhi raha karo
wo ghazal ki sachi kitaab hai ussay chupkay chupkay parha karo
koi haath bhi na milae ga jo gallay milo ge tapaak se
ye nae mizaaj ka shehar hai zara faslay se mila karo
abhi rah main kae mor hain koi aae ga koi jae ga
tumahin jis ne dil se bhula diya ussay bhulnay ki dua karo
mujhe ishtehaar si lagti hain ye muhabbaton ki kahaniyaan
jo kaha nahi wo suna karo jo suna nahi wo kaha karo
kabhi husn e pardanasheen bhi ho zara aashiqana libaas main
jo main ban sanwar k kahin chaloon meray saath tum bhi chala karo
ye khizaan ki zard si shaam main jo udas paer k pas hai
ye tumharay ghar ki bahaar hai issay ansuon se hara karo
nahi behijaab vo chand sa k nazar ka koi asar nahi
ussay tanii garmi-e-shauq se bari dair tak na taka karo
Subject: koi sham ghar bhi raha karo 
Sun Jan 13, 2008 12:12 pm